Ved funn av skadde eller døde husdyr, kontakt Hemsedal Sankelag:
📞 970 38 095 / 909 65 552
Ved observasjon av laushund, kontakt Viltnemnda eller Politiet:
📞 02800
Hemsedal har etablert eit nytt naturoppsyn for å sikre betre kontroll i utmarka og redusere skade på beitedyr og vilt. Prosjektet er eit samarbeid mellom kommunen, Hemsedal Sankelag, Hemsedal Utmarksservice og Destinasjon Hemsedal.
Frå påsken 2025 er det sett i gang eit treårig prosjekt med naturoppsyn i Hemsedal. Oppsynsmannen har fått avgrensa politimyndigheit og skal føre tilsyn med ferdsel i utmark, med særleg fokus på hundehald og båndtvang. Alle brot på regelverket vil bli meldt.
Prosjektet er finansiert av kommunen, turistnæringa og landbruksorganisasjonar, og har som mål å styrke samhandling mellom friluftsliv, reiseliv og landbruk. Oppsynet skal også bidra med rettleiing og informasjon for å auke kunnskap om ferdsel i utmark og ansvar knytt til hundehald.
Hemsedal kommune har utvida båndtvang frå 1. april til 31. oktober for å beskytte fugl, vilt og beitedyr. Løshundar er i dag den største årsaka til tap av beitedyr i kommunen. I tillegg blir det rapportert om ulovleg ferdsel over innmark, øydelegging av gjerde og uønska åtferd mot grunneigarar.
Oppsynet skal bidra til betre sameksistens og tryggare bruk av naturen for alle.