Naturmangfald er variasjonen i naturen på alle nivå, frå gener til artar og heile økosystem. Me har eit ansvar for å ta vare på naturmangfaldet, både formelt gjennom nasjonale og internasjonale avtalar, og etisk for å vidareføre ei berekraftig verd til framtidige generasjonar.
Lov om naturmangfald har som føremål at ein skal forvalte all natur gjennom berekraftig bruk og vern. Alle sektorar som tek avgjerder eller utøver mynde som kan gje konsekvensar for naturen skal rette seg etter lova.
Hemsedal kommune har utarbeida ein eigen kommunedelplan for naturmangfald. Denne planen skal bidra til og gje eit styrka kunnskapsgrunnlag for både politikarar og administrajonen om korleis omsynet til naturmangfald bør verte ivareteke.
Kartlegging av naturmangfald
Kartlegging av natur i Hemsedal er eit kontinuerleg arbeid, og som vert gjennomført av både offentlege etatar (Kommunen og Miljødirektoratet), men også av private som til dømes Norsk botanisk forening og Birdlife. I tillegg kan kva og ein av oss registrere funn av artar på kart-tenesta til Artsdatabanken.
Biofokus har på oppdrag frå Viken fylkeskommune utarbeida ein kartleggingsstatus for viktige naturtypar i 32 Viken-kommunar i 2021.
Figur 1. Kartet syner status for kartlegging i Hemsedal per 2021. Sidan den gong har meir areal vorte kartlagt.
Kart
Kartfesta informasjon om naturmangfald i Hemsedal finn ein mest av via Miljødirektorates kartløysing Naturbase, men også via Artskart til Artsdatabanken. Det er i tillegg noko data som er skjerma frå offentleg innsyn (sensitive artsdata; til dømes kongeørn).
Figur 2: Utklipp frå naturbase, der både artar (sirkler) og naturtypar er vist.
Figur 3: Utklipp frå artskart til Artsdatabanken. Raude og oransje sirklar synar artar som er raudlista medan grøne er livskraftige artar.
Rapportar
Kartlegging av naturtypar i Hallingdal 2003, Hans Ivar Nesse
Viltkartlegging i Hemsedal 2003, Asplan Viak
Bekkekløftkartlegging Lauvdøla 2008, Biofokus
Bekkekløftkartlegging Sollaustbekken 2008, Biofokus
Kvalitetssikring og oppdatering av naturtypelokaliteter i Hemsedal 2010-2011, Asplan Viak og Miljøfaglig utredning
Avifauna i Hemsedal 2020, Vegard Bang Fjeldheim
Kartlegging av verdifulle hekkelokaliteter for fugl i Hemsedal 2021, Asplan Viak
Kartleggingsstatus for viktige naturtyper for 32 Viken-kommuner i 2021, Biofokus
Fritidsbruk og naturmangfold i Hemsedal kommune 2023, Asplan Viak