Føremål
Hemsedal kommune vil i sin kulturpolitikk sikre barn og unge meistring og opplevingar innanfor kulturlivet. Gjennom kultur og idrett styrkje kjensla av samhald og fellesskap.
Viktige verkemiddel her er gode tilskotsordningar som sikrar breidda og mangfaldet vi ynskjer i kulturlivet. Retningslinene legger særleg vekt på støtte til barne- og ungdomsorganisasjonar og aktivitetar for desse gruppene.
Søknadsskjema
Retningsliner for tildeling
Retningsliner som pdf
Føremål
Hemsedal kommune vil i sin kulturpolitikk sikre barn og unge meistring og opplevingar innanfor kulturlivet. Gjennom kultur og idrett styrkje kjensla av samhald og fellesskap.
Retningslinene skal medverke til at Hemsedal kommune fremjar og legge til rette for eit breitt spekter av kulturverksemd, slik at alle kan få høve til å delta i kulturaktivitetar og oppleva eit mangfald av kulturuttrykk. Retningslinene skal òg understøtte kulturfeltet si rolle i å leggje til rette for eit ope og opplyst offentleg ordskifte. .
Verkeområde
Ordningane gjeld tilskot frå Hemsedal kommune til lag, organisasjonar, institusjonar og einskildpersonar med aktivitet og tiltak hovudsakleg i Hemsedal. Regionale aktørar kan søke dersom dei har medlemmer frå eller dokumentert aktivitet retta mot Hemsedal.
Målgrupper og prioriteringer
Kulturmidlane skal særleg bidra til inkluderande aktivitetar for barn og unge, styrkje mangfald, likeverd, likestilling, motverke mobbing og utanforskap, og leggja til rette for deltaking for alle, inkludert personar med funksjonsnedsetjing.
Organisering og ansvar
Kulturmidlar i Hemsedal kommune blir gjeve over kulturbudsjettet innanfor ramma av økonomiplanen som kommunestyret vedtek.
Administrasjonen førebur sakene og tek vedtak i tekniske saker (td avvising pga. frist/eigendokumentasjon). Fagleg utval vurderer alle innkomne forslag samt innstilling frå ungdomsrådet og gjer endeleg vedtak. Tildeling vert lagt fram som orienteringssak for Hovudutval for Livsløp etter vedtak.
Prioriteringskriterier
Ved vurdering vert det lagt særleg vekt på:
- tiltak for og med barn og unge
- inkludering, mangfald og likestilling
- lokal forankring og deltaking frå frivilligheita
- fagleg kvalitet og gjennomføringsevne
- samarbeid mellom frivillig og profesjonelt kulturliv
- at tiltaket støttar mål og behov frå kommunale kulturstrategiar
Søknad
Søknadsskjema og retningsliner finn ein øverst i artikkelen
Søknadsfrist: 1. april
Retningslinene for tildelinga av kulturmidlar skal kunngjerast breitt før søknadsfristen.
Søkjarar som ikkje overheld fristen eller fylgjer retningslinene kan ikkje forvente tilskot.
Misbruk
Dersom ein person, organisasjon eller institusjon bryt føresetnadene for tilskot etter desse retningslinene, kan vedkomande miste retten til tilskot i eitt eller fleire år. Hemsedal kommune kan i etterkant av utbetalinga krevje å få sjå endeleg rekneskap og disponering av utbetalte tilskot.
Tilskotsformer
1.Tilskot til rusfrie arrangement/aktivitetar til barn og unge
Ungdomsrådet vil at tilskot skal kome ungdomar frå Hemsedal til gode. Difor er det spesifisert at det skal vera for målgruppa barn og unge frå Hemsedal. Søknaden må innehalde:
- Kort beskrivelse av tiltaket
- Mål og målgruppe
- Enkelt budsjett
Det er viktig at dette blir halde på eit enkelt nivå slik at ikkje høge krav set ein stoppar for dei frivillige og kreative søkjarane.
Dette er frivillig arbeid/aktivitet og søkjarane kan være barn og unge sjølv. Arbeidet/aktiviteten meiner vi er viktigare enn at dei spesifikt skal legge fram tal.
Tilskot til rusfrie arrangement/aktivitetar for barn og unge blir innstilte av Ungdomsrådet før endeleg vedtak i fagleg utval
2. Tilskot til drift
Alle lag og organisasjonar, hovudsakleg med aktivitet og tilbod for barn og unge, i Hemsedal kommune kan søkje om tilskot til drift. Andre regionale lag kan også søke, som har medlemmer fra Hemsedal. Krav om medlemskontingent og medlemsliste. Aktiviteten i laget vert vurdert. Søknaden må innehalde:
- Rekneskap fra siste år
- Medlemsliste
- Budsjett og årsmelding
3. Tilskot til arrangement
Lag og organisasjonar kan søke om tilskot til arrangement hovudsakleg med tilbod for barn og unge (teater, konsertar, jubileum og liknande). Det kan vera eigne opplegg eller tilstellingar der ein ynskjer å bruke kreft utanfrå. Personar med følgjekort går gratis. Søknaden må innehalde:
- Budsjett og finansieringsplan
- Plan for bruk av overskot
- Garanti for underskjøtningsdekning
4. Tilskot til prosjektet
Det kan søkes om tilskudd til prosjekt av lengre eller kortere lengde. Tilskot til prosjekt kan også gjelde forsamlingshus. Søknaden må innehalde:
- Budsjett og finansieringsplan
5. Tilskot til leiar-/instruktøropplæring.
Lag kan søke om å få dekt deler av utgifter ved leiar- og instruktøropplæring. Trenaropplæring kjem inn under dette. Søknaden må innehalde:
- kopi av utgifter i samband med kvittering opplæring
6. Tilskot til einskildpersonar/kulturstipend
Tilskot kan òg gjevast til einskildpersonar, eventuelt i form av kulturstipend, dersom tiltaket har ein positiv verknad for kulturlivet i kommunen.
Stipendet skal vere ei inspirasjonskjelde og gje mottakaren høve til vidare utvikling innan sitt felt. Ein kan søkje sjølv eller bli foreslått av andre.
Stipenda kan vere på inntil kr. 15.000,- og rettar seg mot aldersgruppa 15–24 år. Målet er å heidre og støtte personar som har utmerkt seg gjennom sine aktivitetar, og som på ein framifrå måte representerer Hemsedal. Det er ynskjeleg å synleggjere kulturstipendvinnarane med utdeling på større arrangement.