Vold i nære relasjonar, overgrep og voldtekt kan ramme menneske uansett alder og kjønn. Ikkje alle veit kva slags hjelp dei kan få eller kor hjelpa finns. Mange ynskjer også meir kunnskap om vold og overgrep.
dinutvei.no er ein nasjonal nettportal som gir oversikt over ulike hjelpetilbod, der ein er eller over heile landet. På dinutvei.no finn du også informasjon, fagstoff og ei spørsmål og svar-teneste, kor du kan stilla spørsmål og få svar anonymt.
Nettportalen gir oversikt og informasjon til utsatte for vold, overgrep og voldtekt, pårørande og bekymra, dei som utøver vold og fagpersonar. Portalen er ein del av regjeringas innsats for å forebyggja vold i nære relasjonar.
dinutvei.no er utvikla av Nasjonalt kunnskapssenter om vold og traumatisk stress (NKVTS) i samarbeid med Regionale ressurssentre om vold og traumatisk stress og sjølvmordsførebygging (RTVS), Krisesentersekretariatet og Norske kvinners sanitetsforening (N.K.S) på oppdrag for Justis-og beredskapsdepartementet.