Ved å leggje ut protokollar og sakslister på internett gjer me lokalpolitikken tilgjengeleg for fleire. Direktesendt overføring frå kommunestyremøta  på nettradio gjer at innbyggjarne kan få større innsyn i den politiske beslutningsprosessen.

Ved sida av  dei kommunale tenestene, er dei politiske og demokratiske prosessane kommunen sine  viktigast oppgåver.

Det politiske systemet vert drive med utgangspunkt i dei politiske partia. Ved kommunevalet kvert 4. år vel ein dei representantane som utgjer kommunestyret, formannskapet, komitear og utval.

Dei demokratiske prosessane inkluderer det politiske systemet, men er og prosesser drive av  kommuneadministrasjonen, ofte i forkant av den politiske handsaminga.