Krav til søkjar

Den som kan få sals- eller skjenkeløyve må oppfylle følgjande krav:

• Føretaket skal vere registrert i brønnøysundregistra.
• Uklanderleg vandel i følgje politi, skatte- og avgiftsmynda gjeld for løyvehavar, eigar og andre personar med vesentleg innverknad på drifta.
• Styrar og vikar for styrar skal ha uklanderleg vandel.
• Styrar og vikar for styrar skal ha avlagt kunnskapsprøve etter alkohollova.
• Serveringsløyve er grunnlag for å få tildelt skjenkeløyve.

Søknaden

• Søknaden må leverast på eige skjema.
• Driftskonsept, alkohollova og alkoholpolitiske retningsliner for Hemsedal kommune vert lagt til grunn for vurderinga.
• Søknaden vert sendt politiet og skatte- og avgiftsmynda for uttale.

Vedlegg til søknaden

Desse vedlegga skal følgje søknaden:

• Firmaattest for alle selskap som er involverte i drifta av skjenkestaden
• Skatteattest for søkjar, eigar og andre med vesentleg inverknad over verksemda.
• Målsett teikning over skjenkearealet, ute og inne. Barar skal vere markert på teikninga.
• Dokumentasjon på at styrar og vikar for styrar er tilsette i verksemda.
• Dokumentasjon på styrar og vikar for styrar sin kunnskap om alkohollova.

Løyveperiode

Skjenkeløyvet gjeld for 4 år, ein kommunestyreperiode, om ikkje anna vedtak er gjort gjeldande.