Kommunen har tilbod til personar over 18 år med psykiske problem eller i psykisk krise.
Akutthjelp
I kritiske eller livstruande situasjonar skal du ringe Øyeblikkeleg hjelp på tlf 113.
- Forklar kva som har skjedd
- Forklar kva adresse du ønskjer hjelp til
- Fortel kva telefonnummer du ringjer frå
Dersom situasjonen ikkje er akutt, kan du kontakte fastlegen din.
Familievernet
Familievernkontoret gir tilbod til alle som treng å prate om vanskelege forhol i familien. Tilbodet vert gjeve til både enkeltpersonar, par og familiar- unge og eldre.
Les meir om familievernkontoret
Rusomsorg
Gjennom råd, rettleiing og hjelpetiltak kan sosialtenesta hjelpe den enkelte å kome bort frå misbruk av alkohol eller andre rusmiddel. Det vert også gjeve tilsvarande råd, rettleiing og hjelp til familien og dei pårørande.