Kommunehelsetenesta har plikt til å tilby vaksinasjon mot smittsame sjukdomar. I tenesta inngår:

• Barnevaksinasjon til alle born i før- og grunnskulealder.
• Reisevaksinasjon og rådgiving før utanlandsreiser.
• Årleg sesonginfluensavaksinasjon til personar som er særleg utsette.
  

Innbyggjarane i kommunen. Nokre vaksinar blir i første rekkje gitt til personar som er særleg utsette.

Nasjonalt folkehelseinstitutt fastset retningslinjene for kva for personar/grupper som skal få tilbod om dei ulike vaksinane:

• Barnevaksinasjon får ein på helsestasjonen og i skulehelsetenesta. Den startar vanlegvis når barnet er 3 månader gamalt og følgjer det nasjonale barnevaksinasjonsprogrammet.
• Tilbodet om reisevaksinasjon og råd om vaksinar før utanlandsreiser blir gitt av helsetenesta i kommunen. Type vaksine blir bestemt ut frå reisemål, smittesituasjon, kor lenge reisa varer, type reise, helsetilstand og tidlegare vaksinasjonsstatus.

Folkehelseinstituttet - vaksine

Folkehelseinstituttet - barnevaksinasjon

Folkehelseinstituttet - Vaksinasjon ved utenlandsreiser

Lov om kommunale helse- og omsorgstjenester m.m. §§ 3-1 og 3-2

Smittevernloven § 3-8

Smittevernloven §§ 7-1 og 7-2

Forskrift om nasjonalt vaksinasjonsprogram

Forskrift om kommunens helsefremmende og forebyggende arbeid i helsestasjons- og skolehelsetjeneste

For grunnvaksinering av born skal du kontakte helsestasjonen.

Har du søkt helsehjelp frå kommunen, kan du klage på avgjerda:

• Fristen for å klage er tre veker frå du tok imot vedtaket.
• I klaga forklarar du kva du ønskjer endra og grunngir dette. Kommunen kan gi rettleiing ved behov.
• Send klaga til den instansen som fatta vedtaket. Dei vil vurdere om det er grunn til å gjere endringar.
• Dersom vedtaket ikkje blir endra, kan du klage til Helsetilsynet i fylket.

Du kan også klage på sjølve utføringa av helsetenesta du får:

• Send klaga til den instansen som yter tenesta, slik at ein har høve til å løyse saka på lågaste nivå.
• Dersom klaga blir avvist, eller kommunen meiner at rettane dine er oppfylte, kan du klage til Helsetilsynet i fylket.

Pris:
Du må betale ein eigendel for somme vaksinar. Grunnvaksinen for born er gratis.