Det musikkulturelle samarbeidet er eit prosjekt som starta hausten 2010 med kulturutveksling i Estland, og er støtta av mellom anna Norplus og Norsk Kulturskuleråd. Kulturgilde 19.- 24. mars er avsluttinga av prosjektet.

I løpet av desse marsdagane kan du velje blant ei mengde kulturarrangement ulike stader i bygda. Våre estiske vener vil også vise fram sin kultur, i tillegg til at norske og estiske musikk- og kulturskuleelevar jobbar saman om felles prosjekt.

Laurdag startar med dansefest på Lodgen med 7-mannsorkesteret Essoslistane.

Søndag er det både gudsteneste, Estlandsdag i skiheisen og spektakulær uteførestilling av Snødronninga i Fausko Amfi.

Måndag kan du velje mellom fjellfilosofi og jazz i biblioteket eller tradisjosnrik Hemsedalskveld på Hugnadheim.

Onsdag kveld kan du roe ned med kveldstonar i biblioteket. Ingvild Skølt og vener frå Toneheim folkehøgskole spelar avslappande musikk.

Det vert arrangert kurs i linedance, og dei songglade kan delta i kor.

Torsdag 24. mars under festkveld i Trøimshallen kan du oppleve norske og estiske elevar urframføre bestillingsverket Snowflakes av komponisten Erik Wøllo.

Fleire arrangement finn du i Kulturkalenderen.

Her kan du laste ned fullt program. (pdf)